تقريظ
ولي ابن ولي
عالم ابن عالم ڪامل ابن ڪامل سيدي
حضرت مرشدي
قبله
محمد طاهر المعروف به سڄڻ سائين
دامت
برڪاتھم
پسو ۽
پروڙيو
نحمدهٗ
و نصلي علٰي رسوله الکريم اما بعد!
اڄڪلهه
ديني ڪتابن پڙهڻ جو شوق بنهه گهٽجي ويو آهي، چند فيصد خوش قسمت ماڻهو آهن جيڪي ديني
ڪتابن پڙهڻ جو ذوق رکن ٿا، تن ۾ به اڪثريت انهن جي آهي، جيڪي روزاني اخبار جيان
سرسري نموني ڪتاب پڙهي پنهنجي ديني مطالعي ۽ معلومات ۾ اضافي کي ڪافي سمجهن ٿا.
حالانڪه ديني ڪتاب پڙهڻ مان اصل مقصد کي سمجهي ان کي عملي زندگي جو حصو بنائڻ
گهرجي. خاص ڪري پيش نظر ڪتاب ”الفيوضات المصطفوية شرح الشمائل المحمدية“ ته آهي ئي
عمل ڪرڻ جو ڪتاب. مذڪور ڪتاب ۾ علامه مولانا الحاج محمد ادريس ڏاهري زيد عمره وعلمه
محدث ترمذي جي لکيل عربي ڪتاب، الشمائل حضور نبي ڪريم
ﷺ
جي اسوهء حسنھ ھ کي سهڻي طرح سنڌي ٻولي جو ويس پهرائي بيان ڪيو آهي. شال الله
ﷻ
سندس تحريري توڙي تقريري خدمتون قبول ڪرڻ فرمائي ۽ کيس صحتِ ڪامله سان نوازيندي
سندس اولاد کي به اهو شوق ۽ ديني خدمت جو جذبو عطا ڪري. آمين! قارئين ڪرام کي گذارش
آهي ته هن ڪتاب کي غور سان پڙهي حضرت حبيب ڪريم
ﷺ
جي اٿڻ، ويهڻ، ڏيڻ وٺڻ، پائڻ کائڻ ۽ پاڻ ڪريم
ﷺ
جي حياتِ طيبه جي سمورن معمولات مبارڪه مطابق زندگي گذارڻ جي ڪوشش ڪن، اهو ئي اسان
اهل اسلام لاءِ دين ۽ دنيا جو سرمايو آهي.
وَصَلَّي اللهُ تَعَاليٰ عَليٰ حَبِيۡبِهٖ
سَيِّدِنَا وَمَولَانَا مُحَمَّدِ وَّعَلٰي اٰلِهٖ وَاَصۡحَابِهٖ اَجۡمَعِيۡنَ()
محمد
طاهر بخشي
12
جمادي
الاول 1432 هه
|